Cláraigh le vacsaín fliú nó vacsaín COVID-19 a fháil saor in aisce
Orthu siúd nach bhfuil vacsaín fiú ná vacsaín COVID-19 faighte acu riamh i bPoblacht na hÉireann atá an tseirbhís clárúcháin seo dírithe.
Mura gcláraíonn tú ar líne, beidh tú in ann clárú agus an vacsaín á fáil agat.
Tuilleadh eolais faoi:
Cé leis ar féidir clárú?
Má tá tú 16 bliana d'aois nó os a chionn, is féidir leat clárú le haghaidh vacsaín fliú nó vacsaín COVID-19 ar chuntar nach bhfuil ceann faighte agat cheana.
I gcás leanaí, is féidir lena dtuismitheoirí nó lena gcaomhnóirí iad a chlárú.
Toiliú dóibh siúd atá faoi bhun 16 bliana d’aois
Beidh ort a bheith i láthair ag vacsaíniú do linbh le cead a thabhairt dó nó di an vacsaín a fháil.
Má tá do leanbh chun an vacsaín a fháil ar scoil, iarrfar ort foirm thoilithe a chomhlánú in ionad a bheith i láthair.
Cláraigh ar líneA mbeidh ag teastáil uait le clárú ar líne
Cuir isteach d’ainm de réir mar atá sé ar do phas. Má tá tú ag clárú do linbh, cuir isteach a (h)ainm.
Le clárú ar líne, ní mór duit na sonraí seo a leanas a bheith agat:
- uimhir fóin póca – má tá tú ag clárú linbh, úsáid d’uimhir féin
- seoladh ríomhphoist – má tá tú ag clárú linbh, úsáid do sheoladh ríomhphoist féin
- uimhir PSP – má tá tú ag clárú linbh, úsáid a (h)uimhir PSP
- éirchód – má tá tú ag clárú linbh, úsáid a (h)éirchód
Cabhair le clárú
Má tá tú bodhar nó mura bhfuil an éisteacht go maith agat, is féidir leat téacs a chur chuig HSELive ar 086 1800 661 le clárú le haghaidh do vacsaíne.
An fáth a dteastaíonn do chuid faisnéise uainn
Ní bhailímid ach an fhaisnéis a theastaíonn uainn chun tú a aithint, do choinne a dhéanamh, vacsaíniú a dhéanamh ort go slán sábháilte, a thaifeadadh go bhfuil tú vacsaínithe agus monatóireacht a dhéanamh ar an gclár vacsaínithe.